ప్రజాశక్తి – సీతానగరం : మండలంలోని జోగింపేట అంబేద్కర్‌ గురుకుల పాఠశాల ఆవరణలో జరుగుతున్న 67వ అంతర్‌జిల్లాల విలువిద్య పోటీలు రెండో రోజు ఆదివారం కూడా కొనసాగాయి. ఈ పోటీల్లో రిక్వర్‌ విభాగంలో అన్ని వయసు గల బాలబాలికలకు పోటీలు పూర్తి అయ్యాయి. అనంతరం ఇండియన్‌ రౌండ్‌ (వెదురు విల్లులు) విభాగం 14, 17 బాల, బాలికల పోటీలు పూర్తయ్యాయి. అలాగే సోమవారం ఉదయం 7గంటల నుంచి ఇండియన్‌ రౌండ్‌ అండర్‌-19 విభాగం బాలికలకు, అండర్‌ 14,17,19 విభాగాలల్లో బాల బాలికలకు కాంపౌండ్‌ విభాగంలో పోటీలు జరుగుతాయి. ఈ పోటీల్లో సుమారు 600మందికి పైబడి వివిధ జిల్లాల నుంచి విద్యార్థులు పాల్గొన్నారు. గెలుపొందిన విజేతలకు బహుమతులు, సర్టిఫికెట్లు సోమవారం అందజేస్తారు. కార్యక్రమంలో డిఇఒ ప్రేమ్‌ కుమార్‌, కళాశాల ప్రిన్సిపల్‌ ఆర్‌.ఈశ్వరరావు, ఎంఇఒలు జి.సూర్య దేముడు, ఎం.వెంకటరమణ, వ్యాయామ ఉపాధ్యాయులు డి.గాంధీ, ఎస్‌.శ్రీనివాసరావు, ఎస్‌.మురళి, సిహెచ్‌ వాసుదేవరావు, ఉపాధ్యాయులు, విద్యార్థులు పాల్గొన్నారు.
తాజా వార్తలు
