ప్రజాశక్తి కడియం (తూర్పుగోదావరి) : గత పుష్కర కాలం గా రాజమహేంద్రవరం రూరల్ ఎల్ఐసి ఏజెంట్ల అసోసియేషన్ అధ్యక్షుడిగా కొనసాగుతున్న మండలం లోని వీరవరం గ్రామానికి చెందిన ఆదిమూలం సాయిబాబాను ఎల్ఐసి ఏజెంట్లు ఘనంగా సన్మానించారు. రాజమహేంద్రవరం రూరల్ పిడింగొయ్యలో గురువారం జరిగిన ఓ కార్యక్రమంలో సాయిబాబాను అసోసియేషన్ అధ్యక్షునిగా యూనియన్ సభ్యులు మరో మరు ఏకగ్రీవంగా ఎన్నుకున్నారు. గత పన్నెండు సంవత్సరాలుగా రూరల్ బ్రాంచ్ ఎల్ఐసి అసోసియేషన్ అధ్యక్షునిగా ఏకగ్రీవంగా విధులు నిర్వహిస్తున్న సాయిబాబా, యూనియన్ కు చేస్తున్న సేవలకు గుర్తింపుగా 13 వ ఏడాదికూడా అధ్యక్షునిగా ఏకగ్రీవం చేశారు. అనంతరం జరిగిన కార్యక్రమంలో సాయిబాబాను పూలమాలలతో సత్కరించి సేవలకు గుర్తింపుగా జ్ఞాపికను బహుకరించారు. ఈ సందర్భంగా సాయిబాబా మాట్లాడుతూ రాజమహేంద్రవరం రూరల్ ఎల్ఐసి ఏజెంట్ల సమస్యల పరిష్కారానికి శక్తి వంచన లేకుండా కృషి చేస్తానని అన్నారు. ఈ కార్యక్రమంలో పలువురు రూరల్ ఎల్ఐసి ఏజెంట్లు పాల్గొన్నారు.
తాజా వార్తలు
