ప్రజాశక్తి సీతానగరం : మండలంలోని జోగుంపేట గురుకుల పాఠశాల ఆవరణలో 67వ రాష్ట్ర స్థాయి ఆర్చరీ పోటీలు శనివారం ప్రారంభమయ్యాయి. జాయింట్‌ కలెక్టర్‌ ఆర్‌ గోవిందరావు, ఎమ్మెల్యే ఎ.జోగారావు, డిఇఒ పి.ప్రేమ్‌ కుమార్‌ జ్యోతి ప్రజ్వలన చేశారు. ఈ సందర్భంగా వారు మాట్లాడుతూ విద్యార్థుల్లో ఉండే క్రీడా నైపుణ్యాన్ని వెలికి తీసేందుకు ఈ పోటీలు ఎంతో ఉపయోగపడతాయన్నారు. విలువిద్య గొప్ప ఆటని, ప్రతి విద్యార్థి తమ నైపుణ్యాన్ని ప్రదర్శించుకోవాలని సూచించారు. కార్యక్రమంలో ఉపాధ్యాయ ఎమ్మెల్సీ పి.రఘువర్మ, ఎంపిపి బి.రమణమ్మ శ్రీరాములు నాయుడు, జెడ్‌పిటిసి ఎం.బాబ్జి, ఎంపిటిసి సిహెచ్‌ జగదీశ్వరరావు, సర్పంచ్‌ కె.సింహాచలం, ఎంఇఒలు జి.సూరిదేముడు, ఎం.వెంకటరమణ, వ్యాయామ ఉపాధ్యాయులు డి.గాంధీ, ఎస్‌.మురళి, ఎస్‌.శ్రీనివాసరావు, పి.వాసుదేవరావు పాల్గొన్నారు
తాజా వార్తలు
