ప్రజాశక్తి – సాలూరు : పట్టణంలోని జాతీయ రహదారిపై ముత్యాలమ్మ గుడి ఎదురుగా జరిగిన రోడ్డు ప్రమాదంలో ఒక యువకుడు మృతి చెందారు. మరో ఇద్దరికి తీవ్ర గాయాలయ్యాయి. పట్టణంలోని చింతల వీధికి చెందిన చెందిన దాసరి ఉపేంద్ర (20)తో పాటు అతని స్నేహితులు చంద్రశేఖర్‌, లీలా ప్రసాద్‌ మోటార్‌ సైకిల్‌పై వెళ్తుండగా పట్టణం లోని ముత్యాలమ్మ గుడి సమీపంలో ఆగివున్న లారీని ఢోకొట్టారు. వీరు స్థానిక ప్రభుత్వ డిగ్రీ కాలేజీలో ఫైనల్‌ ఇయర్‌ చదువుతున్నారు. కాలేజీ విడిచిపెట్టిన అనంతరం వీరు ముగ్గురు మోటార్‌ సైకిల్‌ పై పట్టణంలోకి వెళ్తూ ఎదురుగా వస్తున్న వాహనాన్ని తప్పించబోయి ఆగి ఉన్న లారీని ఢ కొట్టడంతో ఉపేంద్ర తీవ్రంగా గాయపడ్డారు. చంద్రశేఖర్‌, లీలా ప్రసాద్‌కు కూడా తీవ్ర గాయాలవడంతో విశాఖపట్నం కెజిహెచ్‌ ఆసుపత్రికి రిఫర్‌ చేశారు. ఉపేంద్ర పరిస్థితి విషమంగా ఉండడంతో విజయనగరం తరలిస్తుండగా మార్గమధ్యలో మృతి చెందారు. ఈ సంఘటన పై టౌన్‌ పోలీసులు కేసు నమోదు చేశారు.
తాజా వార్తలు
