ప్రజాశక్తి-దెందులూరు : 216వ జాతీయ రహదారి ఏలూరు జిల్లా దెందులూరు మండలం పరిధిలో గుండుగొలను వద్ద గురువారం కారు ఢీకొన్న ప్రమాదంలో ఒకరు అక్కడికక్కడే మృతి చెందగా మరో ఇద్దరు తీవ్రంగా గాయపడ్డారు. ఏలూరు వైపు నుండి తాడేపల్లిగూడెం వైపు వెళ్తున్న కారు అతి వేగంగా వెళుతూ గుండుగొలను వద్ద ఒకరిని ఢీకొంది. అయినా ఆగకుండా కారు ముందుకు వెళుతూ కొద్ది దూరంలో మరో బైక్ ను కార్ ఢీకొంది. ఈ ప్రమాదంలో బైక్ పై వెళ్తున్న భార్యాభర్తల్లో భర్త అక్కడిక్కడే మృతి చెందారు. భార్య తీవ్రంగా గాయపడింది. ముందు ఢీకొన్న వ్యక్తీ గాయాలు అయ్యాయి. స్థానికులు పెద్ద సంఖ్యలో చేరుకున్నారు. మద్యం మత్తులో డ్రైవింగ్ చేశారని కారు డ్రైవర్ పై బందువులు ఆగ్రహం వ్యక్తం చేశారు.
తాజా వార్తలు
