అమరావతి: ఈ నెల 30వ తేదీన ఆంధ్రప్రదేశ్‌ ముఖ్యమంత్రి వైఎస్‌ జగన్మోహన్‌రెడ్డి.. నంద్యాల, కడప జిల్లాల్లో పర్యటించనున్నారు. నంద్యాల జిల్లాలో అవుకు రెండవ టన్నెల్‌ను జాతికి అంకితం చేయబోతున్నారు.. అదే రోజు కడప పెద్దదర్గా ప్రధాన ఉరుసు ఉత్సవాలలో పాల్గొననున్నారు. ఇక, ఈ పర్యటన కోసం ఈ నెల 30వ తేదీన ఉదయం 10 గంటలకు తాడేపల్లిలోని తన నివాసం నుంచి బయలుదేరనున్న సీఎం.. మొదట నంద్యాల జిల్లా అవుకు మండలం మెట్టుపల్లి చేరుకుంటారు.. అక్కడి నుంచి అవుకు రెండవ టన్నెల్‌ సైట్‌కు చేరుకుంటారు.. నీటిని విడుదల చేసి రెండవ టన్నెల్‌ను జాతికి అంకితం చేయనున్నారు సీఎం జగన్‌.. ఇక, ఫొటో ఎగ్జిబిషన్‌ పరిశీలించి పైలాన్‌ను ఆవిష్కరిస్తారు.. అక్కడి నుంచి నేరుగా కడపకు చేరుకుంటారు. కడప పెద్దదర్గా ప్రధాన ఉరుసు ఉత్సవాలలో పాల్గంటారు.. రెండు జిల్లాల పర్యటన ముగించుకుని 30వ తేదీన సాయంత్రం తాడేపల్లికి తిరుగు ప్రయాణం అవుతారు . కాగా, ఓవైపు ప్రభుత్వ కార్యక్రమాలు, మరోవైపు వైఎస్‌ఆర్‌ కాంగ్రెస్‌ పార్టీ కార్యక్రమాల్లో నిత్యం బిజీగా గడుపుతున్నారు. ఓవైపు సమావేశాలు, మరోవైపు సభలు.. రివ్యూలు ఇలా నిత్యం ఏదో ఒక ఇష్యూపై ఫోకస్‌ చేస్తూనే ఉన్నారు.
తాజా వార్తలు
