నాగలి ఎత్తిన వాడు
పొగిలి పొగిలి ఏడవాలా ?
విత్తనాలు చల్లిన వాడు
విత్తానికి దూరమవ్వాలా ?
నెర్రలు చీలిన నేల
గుండెలో నెగళ్లు మండిస్తుంటే
దళారి బతుక్కి తలారీగా మారితే
కృత్రిమ మేధ కోసం
కోట్లు గిలకరించే వారు
సహజ మేధకి సారాన్ని ఇచ్చే
అన్నదాతపై ఎందుకు లేదు కనికరం ?
రైతు నడిచే నేల ఒక పుణ్య క్షేత్రం
రైతు పంటే ఒక వ్రతం
అందరి ఆకలి తీర్చే రైతే దేవుడు !
రాతి దేవుడి కన్నా గొప్ప వాడు
అన్నం తిన్నాక అద్దం చూసుకుంటే
అక్కడ ప్రతిబింబం రైతే! – వీరేశ్వర రావు మూల 94947 46228
