పారిజాత పర్వం’ టీజర్‌ నాకు చాలా ఆసక్తికరంగా అనిపించింది. చైతన్య, హర్ష అంటే నాకు చాలా గౌరవం. వాళ్ళ జర్నీ ఎక్కడి నుంచి మొదలైందో తెలుసు. వాళ్ళ జర్నీని చాలామంది ఒక స్ఫూర్తిగా తీసుకుంటున్నారు. అందుకే వారి పాత్రలని, నటనని అంత ఇష్టపడుతున్నారు. చైతన్య ఎంచుకుంటున్న పాత్రలు, సినిమాలు చాలా యూనిక్‌గా ఉంటున్నాయి. ఈ సినిమా కూడా పెద్ద విజయం సాధించాలని కోరుకుంటున్నాను.’ అంటున్నారు దర్శకుడు తరుణ్‌ భాస్కర్‌. ఈ చిత్ర కాన్సెప్ట్‌ టీజర్‌ లాంచ్‌ ఈవెంట్‌లో పాల్గన్న ఆయన పై వ్యాఖ్యలు చేశారు. చైతన్య రావు, సునీల్‌, శ్రద్ధా దాస్‌, మాళవిక సతీశన్‌ ప్రధాన పాత్రలలో ఈ చిత్రం తెరకెక్కుతోంది. వనమాలి క్రియేషన్స్‌ బ్యానర్‌ పై సంతోష్‌ కంభంపాటి దర్శకత్వంలో మహీధర్‌ రెడ్డి, దేవేష్‌ ఈ సినిమాను నిర్మిస్తున్నారు.
తాజా వార్తలు
;
