ఆదికేశవ సినిమా మాస్‌గా కొత్తదనంతో ఉంటుందని హీరో వైష్ణవ్‌ తేజ్‌ చెప్పారు. వైష్ణవ్‌తేజ్‌, శ్రీలీల జంటగా సితార ఎంటర్‌టైన్‌మెంట్స్‌, ఫార్చ్యూన్‌ ఫోర్‌ సినిమాస్‌ పతాకాలపై సూర్యదేవర నాగవంశీ, సాయి సౌజన్య ‘ఆదికేశవ’ ఈ చిత్రాన్ని నిర్మించారు. శ్రీకర స్టూడియోస్‌ సమర్పిస్తున్న ఈ సినిమాతో శ్రీకాంత్‌ ఎన్‌ రెడ్డి దర్శకుడిగా పరిచయమవుతున్నారు. జోజు జార్జ్‌, అపర్ణా దాస్‌ ముఖ్య పాత్రలు పోషిస్తున్న ఈ చిత్రం ఈనెల 24న ప్రేక్షకుల ముందుకు రానుంది. ఈ సందర్భంగా వైష్ణవ్‌ తేజ్‌ చిత్ర విశేషాలను పాత్రికేయులతో పంచుకున్నారు. ‘రంగ రంగ వైభవంగా’ చిత్రీకరణ చివరి దశలో ఉన్నప్పుడు నిర్మాత నాగవంశీ ఈ కథ వినమని చెప్పారు. వినగానే నాకు ఎంతగానో నచ్చింది. ఆ తర్వాత ఇంకా ఎన్నో మెరుగులు దిద్దుకుని అద్భుతంగా వచ్చింది. ప్రేక్షకులు సినిమా చూసి థియేటర్ల నుంచి ఆనందంగా బయటకు వస్తారు’ అని వివరించారు.
తాజా వార్తలు
;
