ధనుష్‌ నటిస్తున్న తాజా చిత్రం ‘కెప్టెన్‌ మిల్లర్‌’. అరుణ్‌ మథేశ్వరన్‌ దర్శకత్వంలో యాక్షన్‌ థ్రిల్లర్‌ జోనర్‌లో ఈ సినిమా వస్తోంది. ఈ చిత్రం నుండి ఫస్ట్‌ సింగిల్‌ ‘కిల్లర్‌ కిల్లర్‌..’ని బుధవారం విడుదలచేశారు. హేమచంద్ర ఈ పాట పాడారు. ఈ చిత్రంలో ధనుష్‌ కామ్రేడ్‌ అవతారంలో కనిపించనున్నారు. ప్రియాంక అరుళ్‌ మోహన్‌ హీరోయిన్‌గా నటిస్తున్నారు. టాలీవుడ్‌ హీరో సందీప్‌ కిషన్‌, నివేదితా సతీశ్‌, అమెరికన్‌ యాక్టర్‌, ఆర్‌ఆర్‌ఆర్‌ ఫేం ఎడ్వర్డ్‌ సొన్నెన్‌బ్లిక్‌ ఇతర ప్రధాన పాత్రల్లో నటిస్తున్నారు. కన్నడ హీరో శివరాజ్‌ కుమార్‌ మరో కీలక పాత్ర పోషిస్తుండగా.. జీవీ ప్రకాశ్‌ కుమార్‌ సంగీతం అందిస్తున్నారు. సత్య జ్యోతి ఫిలిమ్స్‌ తెరకెక్కిస్తున్న ఈ చిత్రం తెలుగు, తమిళం, హిందీ భాషల్లో విడుదల కానుంది.
తాజా వార్తలు
;
