భారత స్వాతంత్య్ర పోరాట నేపథ్యంలో చక్కటి భావోద్యేగాల మధ్య నడిచే కథతో ‘1920 భీమునిపట్నం’ చిత్రాన్ని తెరకెక్కించబోతున్నారు. కంచర్ల ఉపేంద్ర హీరోగా నటిస్తున్నారు. ఈ చిత్రాన్ని ఎస్‌.ఎస్‌.ఎల్‌.ఎస్‌. క్రియేషన్స్‌ పతాకంపై ప్రొడక్షన్‌ నెం.6గా కంచర్ల అచ్యుతరావు నిర్మిస్తున్నారు. నరసింహ నంది దర్శకత్వం వహిస్తున్నారు. వచ్చే నెలలో షూటింగ్‌ ప్రారంభం కానున్న ఈ చిత్రం గురించి నిర్మాత కంచర్ల అచ్యుతరావు వివరించారు. ‘తెలుగు సినిమాను ప్రపంచ స్థాయికి తీసుకెళ్లగలిగే కథ. మన స్వాతంత్య్ర పోరాటంలో మనకు తెలియని కథలు చాలా ఉన్నాయి. సీతారాం, సుజాత ప్రేమకథను దర్శకుడు అద్భుతంగా తయారు చేశారు. ఆస్కార్‌ స్థాయికి తగట్టుగా తెరకెక్కించబోతున్నాం. అందుకే మేము ప్రముఖ సంగీత దర్శకుడు ఇళయరాజాను కలిసి కథ చెప్పాం. ఆయనకు నచ్చి అంగీకరించారు. ఆయన సంగీతం ఈ చిత్రానికి ఓ హైలైట్‌గా నిలుస్తుంది’ అని వివరించారు.
తాజా వార్తలు
;
