దుస్థితిలో ఆలత్తూరు రోడ్డుగుంతలలో పేపరు పడవలతో నిరసనప్రజాశక్తి -బుచ్చినాయుడు కండ్రిగ: గుంతలమయమైన ఆలత్తూరు రోడ్డు దుస్థితిని పట్టించుకోవాలని కోరుతూ టిడిపి, జనసేన నాయకులు పేపరు పడవలతో శుక్రవారం నిరసన వ్యక్తం చేశారు. ఈ సందర్భంగా నాయకులు మాట్లాడుతూ బుచ్చినాయుడు కండ్రిగ మండలంలోని ఆలత్తూరు రోడ్డు మార్గంలో ఆలత్తూరు, పిల్లేటి వారి కండ్రిగ , పుతేరి మూడు గ్రామ పంచాయ తీలలోని 15 గ్రామాలకు ఈ రహదారి ఉపయోగ కరంగా వుంటుందని, ప్రతి అడుగుకు గుంతల మయ మైందని, ఈ గుంతలు రెండు నుంచి మూడు అడుగుల లోతులో వుండడంతో వాహనదారులు రాకపోకలు సాగించేందుకు పడరాని పాట్లు పడుతున్నారన్నారు. ఈ మార్గంలో వస్తున్న ఆలత్తూరు బస్సును రహదారి అధ్వానంగా ఉన్న కారణంగా అప్పుడప్పుడూ నిలిపివేస్తు న్నారన్నారు. ప్రతిరోజూ 40 నుంచి 60 టన్నుల మెటల్‌ టిప్పర్లు సుమారు 100 టిప్పర్లు ఈ రహదారిపై తిరు గుతున్నాయని, వాటి ద్వారా మెటల్‌ రాయల్టీ వసూలు చేస్తున్న ప్రభుత్వం కనీసం రహదారికి మరమ్మతులు కూడా చేయకుండా వదిలేశారన్నారు. స్థానిక ఎమ్మెల్యే, వైసీపీ నాయకులు మెయింటెనెన్స్‌ నిధులు కూడా విడుదల చేయించలేని అసమర్థత కారణంగా అధ్వాన స్థితికి ఈ రహదారి అద్దం పడుతోందని, అధిక లోడుతో వెళుతున్న టిప్పర్ల వద్ద అధికారులు మామూళ్ల వసూళ్లు చేసుకుంటూ పట్టించుకున్న దాఖలాలు లేవన్నారు. నిరసనగా బుచ్చినాయుడు కండ్రిగ మండల టిడిపి నాయకుల ఆధ్వర్యంలో ఈ రహదారి గుంతలలో పేపర్‌ పడవలతో నిరసన తెలిపామన్నారు. ఈ కార్యక్రమంలో మండల టిడిపి అధ్యక్షులు యం సుధాకర్‌ నాయుడు, క్లస్టర్‌ కన్నయ్య నాయుడు, సురేష్‌ బాబు, రవీంద్రబాబు, సుధాకర్‌, ఆనంద్‌, కుమార్‌ శెట్టి, గురవయ్య, బాబు, వీర రాఘవులు, హరి, శ్రీనివాసులు, చిరంజీవి రెడ్డి జనసేన నాయకులు నవీన్‌, బాలాజీ పాల్గొన్నారు.
తాజా వార్తలు
