ఘనంగా బేటి బడావో బేటి బచావోప్రజాశక్తి-యర్రావారిపాలెం: మండల ప్రాథమిక ఆరోగ్య కేంద్రం డాక్టర్‌ లీనా కుమారి ఆధ్వర్యంలో ఎర్ర వారిపాలెం కస్తూరిబా గాంధీ పాఠశాలలో బేటి బడావో బేటీ బచా వోను శుక్రవారం నిర్వహించారు. ఈ కార్యక్రమంలో డాక్టర్‌ లీనాకుమారి మాట్లాడుతూ ప్రతి విద్యార్థికీ చదువుతోపాటు భద్రత ఎంతో అవసరమని , నేటి తరం విద్యార్థినులు ముఖ్యంగా గుడ్‌ టచ్‌, బ్యాడ్‌ టచ్‌ గురించి అవగాహన కలిగి ఉండాలని తెలిపారు. అన్ని రంగాలలో పురుషులతో పాటు మహిళలు కూడా విజయం సాధించి ఉన్నత స్థాయికి వెళుతున్నారని నేటి బాలలే రేపటి పౌరులని కొనియాడారు. బాలికల అభివద్ధి దేశ సౌభాగ్యమని గర్భస్థ శిశు పిండ నిర్థారణ నేరమని పేర్కొన్నారు. ఈ కార్యక్రమంలో ఉపాధ్యాయ సిబ్బంది విద్యార్థులు, వైద్య సిబ్బంది పాల్గొన్నారు.
తాజా వార్తలు
