అంబేద్కర్‌ ఆశయాలను బతికిద్దాంప్రజాశక్తి- శ్రీకాళహస్తి భారత రాజ్యాంగ నిర్మాత, బడుగు, బలహీనుల ఆశా జ్యోతి డాక్టర్‌ బిఆర్‌ అంబేద్కర్‌ ఆశయాలను సజీవంగా బతికించుకునేందుకు అందరూ నడుం కట్టాలని సిపిఎం జిల్లా కార్యదర్శివర్గ సభ్యులు అంగేరి పుల్లయ్య పిలుపునిచ్చారు. స్థానిక పుచ్చలపల్లి సుందరయ్య భవన్‌లో ఆదివారం భారత రాజ్యాంగ దినోత్సవాన్ని నిర్వహించారు. ఈసందర్భంగా అంబేద్కర్‌ చిత్రపటానికి పూల మాలలు వేసి ఘన నివాళి అర్పించారు. పాలక ప్రభుత్వాలు అంబేద్కర్‌ రాజ్యాంగానికి తూట్లు పొడుస్తున్నాయని విమర్శించారు. మోదీ పాలనలో రాజ్యాంగానికే కాదు, దేశ ప్రజాస్వామ్యానికే ముప్పు ఏర్పడిందని ఆవేదన వ్యక్తం చేశారు. అంబేద్కర్‌ రాజ్యాంగాన్ని కాపాడుకోవాల్సిన సామాజిక బాధ్యత అందరిపై ఉందన్నారు. నాయకులు గంధం మణి, పెనగడం గురవయ్య, నాగరాజు, రమణయ్య పాల్గొన్నారు.
తాజా వార్తలు
