ప్రజాశక్తి -కడప అర్బన్‌ యువగళం పాదయాత్ర తిరిగి ప్రారం భం కావడంతో ము ఖ్యమంత్రి జగన్మోహన్‌రెడ్డి వెన్నులో వణుకు పుట్టిందని, రాబోయే ఎన్నికల్లో టిడిపి విజయాన్ని ఎవరూ ఆపలేరని టిడిపి కడప నియోజకవర్గ ఇన్‌ఛార్జి వి.ఎస్‌. అమీర్‌ బాబు, సీనియర్‌ నాయకులు ఆలంఖాన్‌పల్లె లక్ష్మిరెడ్డి, సింగిల్‌ విండో మాజీ అధ్యక్షులు మన్మోహన్‌రెడ్డి అన్నారు. సోమవారం 40వ డివిజన్‌లో ‘బాబు ష్యూరిటీ..భవిష్యత్తు గ్యారంటీ’ కార్యక్రమం డివిజన్‌ అధ్యక్షులు రామానుజులురెడ్డి ఆధ్వర్యంలో ఇంటింటికీ కరపత్రాల పంపిణీ కార్యక్రమం చేపట్టారు. ఈ సందర్భంగా వారు మీడియాతో మాట్లాడుతూ రవీంద్ర నగర్‌, కాగితాల పెంటలో టిడిపి, నాయకులు కార్యకర్తలు వందలాది మందితో ప్రచారం నిర్వహించామని పేర్కొన్నారు. వర్షాన్ని సైతం లెక్కచేయకుండా పాల్గొని జయప్రదం చేశారని తెలిపారు. యువ నేత నారా లోకేష్‌ యువగళం పాదయాత్ర ప్రారంభమైందని, విశాఖలో ముగింపు సభ పెద్ద ఎత్తున చేసేందుకు ప్రయత్నిస్తున్నారని చెప్పారు. వచ్చే ఎన్నికల్లో 160 సీట్లు సాధించడం ఖాయమని పేర్కొన్నారు. కార్యక్రమంలో కడప జిల్లా అధికార ప్రతినిధి ఆమూరి బాలదాసు, కడప నగర ఉపాధ్యక్షులు కొండా సుబ్బయ్య, 42 వ డివిజన్‌ ఇన్‌ఛార్జి అంబవరం రామాంజనేయ రెడ్డి, కడప నగర ఉపాధ్యక్షులు మరియు ప్రముఖ న్యాయవాది లింగాల శివ శంకర్‌ రెడ్డి, మాజీ వార్డు సభ్యులు జయరాం రెడ్డి, కడప తెలుగు యువత నగర అధ్యక్షులు మేకల వెంకటేష్‌ యాదవ్‌, పలువురు నాయకులు పాల్గొన్నారు.
తాజా వార్తలు
