ప్రజాశక్తి-రాజోలుసిపిఎం, సిఐటియు సీనియర్‌ నాయకుడు కందికట్ల రామారావు ఆశయ సాధనకు కృషి చేయాలని సిపిఎం జిల్లా కన్వీనర్‌ కారెం వెంకటేశ్వరరావు పిలుపు ఇచ్చారు. శనివారం సోంపల్లిలో పార్టీ శాఖా కార్యదర్శి బుంగ సత్యనారాయణ అధ్యక్షతన నిర్వహించిన రామారావు ప్రథమ వర్థంతి సభలో వెంకటేశ్వరరావు మాట్లాడారు. రాజోలు మండలంలో పార్టీని విస్తరించడంలో రామారావు పాత్ర మరువలేనిదన్నారు. అనేక కష్టాలు వచ్చినప్పటికీ కడదాకా ఎర్ర జెండాను నమ్ముకొని ఉన్నారన్నారు. తొలుత రామారావు చిత్రపటానికి పూలమాలలు వేసి నివాళులు అర్పించారు. ఈ కార్యక్రమంలో సిఐటియు ఆలిండియా ఉపాధ్యక్షురాలు జి.బేబిరాణి, సిపిఎం సీని యర్‌ నాయ కులు దువ్వా శేష బాబ్జి, జిల్లా కమిటీ సభ్యులు పీతల రామ చంద్ర రావు, సిహెచ్‌. సూర్య ప్రకాశరావు, ఐద్వా నాయకురాలు కందికట్ల గిరిజ, తాడి శ్రీరామ్మూర్తి, గోగి సిద్ధార్థ, సిపిఐ నాయుకులు దేవా రాజేంద్రప్రసాద్‌ పాల్గొన్నారు.
తాజా వార్తలు
