ఫొటో : మాట్లాడుతున్న మాజీ ఎంఎల్‌ఎ బొల్లినేని రామారావు
మన్నేటితో వైసిపి నుండి వలసల పర్వం
ప్రజాశక్తి-ఉదయగిరి : వైసిపి ప్రభుత్వానికి పతనం మొదలైందని, అందులో భాగంగా టిడిపి తీర్థం పుచ్చుకునేందుకు వైసిపినేతల పర్వం ప్రారంభమైందని మాజీ ఎఎంసి చైర్మన్‌ మన ఫౌండేషన్‌ అధినేత మన్నేటి వెంకటరెడ్డి పేర్కొ న్నారు. స్థానిక టిటిడి కళ్యాణ మండపంలో టిడిపి లోకి వైసిపి ముస్లిం నేతల స్వాగత పరిచయ సమావేశం నిర్వహించారు. ఈ సందర్భంగా మాజీ శాసనసభ్యులు బొల్లినేని వెంకటరామారావు మాట్లాడుతూ నియోజకవర్గ ఆర్యవైశ్య సంఘం నుండి 400మంది పార్టీలోకి రావడం సంతోష దాయకమన్నారు. నియోజక వర్గంలో గతం నుంచి కూడా ఆర్యవైశ్యులు ఏ పార్టీకి మద్దతు తెలుపుతారో ఆ పార్టీ అధికారంలోకి రావడం ఖాయమని తెలియజేశారు. ఆర్యవైశ్యులు, ముస్లిం, మైనార్టీలు ఏకకాలంలో టిడిపి తీర్థం పుచ్చుకోవటం, సంపూర్ణ మద్దతు తెలియజేయడం శుభ పరిణామమన్నారు. నియోజకవర్గ నలు మూలల నుంచి ఎన్నడూలేని విధంగా వ్యాపార వర్గాలైన ఆర్యవైశ్యులు రావడం టిడిపికి నూతన ఉత్సాహాన్ని తెచ్చి పెట్టిందన్నారు. మన్నేటి వెంకట రెడ్డి చెప్పినట్టు ఆర్యవైశ్య సంఘ నాయకులకు వెన్నంటి ఉంటానని ప్రతిసమస్యలో తోడుగా ఉండాలని హామీనిచ్చారు. వైసిపి ప్రభుత్వంలో చేస్తున్న అరాచకాలకు ప్రతిదీ ప్రభుత్వం రాగానే లెక్క సరి చేస్తామన్నారు. వార్డు సభ్యుడు కానీ వైసిపి నియోజకవర్గ సమన్వయకర్త రాజగోపాల్‌ రెడ్డికి పోలీసుల సర్వీసులు కల్పించడం ఏమిటని మండిపడ్డారు. గతంలో పొరపాటు చేశామని ఈసారి కార్యకర్తలు నాయ కులు దగ్గరగా ఉండి పార్టీకి పూర్వ వైభవం తీసుకు వస్తామన్నారు. ఆర్యవైశ్య నాయకులు గూడూరు వెంకటేశ్వరరావు, ముస్లిం మైనారిటీ నాయకులు షేక్‌ రియాజ్‌, ఈజే ఆనందరావు, నెల్లూరు పార్లమెంటరీ వాణిజ్య విభాగం అధ్యక్షులు టిడిపి దర్శి హరికృష్ణ, శకునాలపల్లి టిడిపి యువ నాయ కులు పాలగిరి మహేష్‌ రెడ్డి, మాజీ ఎఎంసి చైర్మన్‌ చంద్రా మధుసూదన్‌, మండల అధ్యక్షులు బయ న్న, సయ్యద్‌ సజీల్‌, బొజ్జ నరసింహులు, నల్లిపోగు నరసింహులు, రాజాగడియాల్చి కరీం పాల్గొన్నారు.
తాజా వార్తలు
