ఎన్‌బికే ఆర్‌ఐఎస్టీలో ప్రాంగణ ఎంపికలుప్రజాశక్తి -కోట : కోట మండలం విద్యానగర్‌ ఎన్‌బికే ఆర్‌ ఇంజనీరింగ్‌ కళాశాలలో హైదరాబాద్‌ లోని బహుళజాతి సంస్థ ఆర్సించర్‌ ఆధ్వర్యంలో ప్రాంగణ ఎంపికలు నిర్వహించారు. ఈ ఎంపికలకు బి.టెక్‌ ఆఖరి సంవత్సరం చదువుతున్న అన్ని బ్రాంచీలవారు మొత్తం 454 మంది విద్యార్థులు హాజరయ్యారు. ఈ ఎంపికలను నిర్వహించడానికి చెన్నైకి చెందిన హక్షన్‌, అఖిలన్‌ విచ్చేశారు. విద్యార్థులకు ఆన్‌లైను పరీక్ష నిర్వహించారు. ఈ సందర్భంగా కళాశాల సంచాలకులు డావి విజయకుమార్‌ రెడ్డి మాట్లాడుతూ ఎన్‌బికే ఆర్‌ఐ ఎస్టీ లో ఇప్పటి వరకు ఏడు కంపెనీలు వచ్చాయని అన్ని బహుళజాతి కంపెనీలు కళాశాలకు రావడం ఎంతో సంతోషంగా ఉందన్నారు. కళాశాలలో ఉన్న వనరులు, అక్రిడిటేషన్స్‌ వల్లే కంపెనీలు కళాశాలకు వస్తున్నట్లు తెలిపారు. కళాశాల ప్రాంగణ ఎంపికల అధికారి వి కిషంధర్‌ మాట్లాడుతూ ఈ విద్యా సంవత్సరం ఆక్సంచర్‌ తోపాటు, టెక్‌ మహేంద్ర, జేసీఎస్‌, సీడీకే గ్లోబల్‌ వంటి పలు కంపెనీలు కళాశాలకు రానున్నట్లు తెలిపారు.
తాజా వార్తలు
