ప్రజాశక్తి-దొనకొండ -యూటిఎఫ్‌ దొనకొండ మండల కమిటీ గురువారం ఏకగ్రీవంగా ఎన్నికైంది. స్థానిక యుటీఎఫ్‌ కార్యాలయంలో జిల్లా కార్యదర్శి టి రాజశేఖర్‌, ఎన్నికల పరిశీలకుడు డి వెంకటరెడ్డిల ఆధ్వర్యంలో ఈ ఎన్నిక జరిగింది. గౌరవ అధ్యక్షులుగా ఏ ప్రభుదాస్‌, అధ్యక్షులుగా ఎం వెంకటరెడ్డి, సహ అధ్యక్షులుగా బి సత్యనారాయణ, ప్రధాన కార్యదర్శిగా ఈ రోశయ్య, కోశాధికారిగా అంజినాయక్‌, మండల మహిళా కార్యదర్శిగా స్వప్న, మండల కార్యదర్శులు, జిల్లా కౌన్సిలర్లు, మహిళా కమిటీ కన్వీనర్లుగా మరికొందరిని ఎంపిక చేశారు. నూతన కమిటీ సభ్యులచే ఎన్నికల పరిశీలకుడు వెంకటరెడ్డి ప్రమాణ స్వీకారం చేయించారు. మండలంలో ఉపాధ్యాయుల సమస్యల పరిష్కారం పట్ల తమవంతు బాధ్యతగా పనిచేస్తామని నూతన కమిటీ వివరించింది. ఈ కార్యక్రమంలో పలువురు ఉపాధ్యాయులు పాల్గొన్నారు.
తాజా వార్తలు
