ముగిసిన అంతర్‌ రాష్ట్ర కళాశాలల పోటీలుప్రజాశక్తి – గూడూరు టౌన్‌ : స్థానిక ఎస్‌కెఅర్‌ ప్రభుత్వ డిగ్రీ కళాశాలలో రెండు రోజులుగా విక్రమ సింహపురి యూనివర్సిటీ పరిధిలోని కొనసాగుతున్న అంతర కళాశాలల క్రీడా పోటీలు గురువారం ఘనంగా ముగిశాయి. ఈ క్రీడా పోటీలలో ఫుట్‌ బాల్‌ విజేతగా శ్రీ కష్ణ చైతన్య డిగ్రీ కళాశాల, రన్నర్‌ గా జవహర్‌ భారతి డిగ్రీ కళాశాల లు నిలిచాయి. అనంతరం పలు విభాగాల్లోని గెలుపొందిన క్రీడాకారులకు కళాశాల ప్రిన్సిపాల్‌ వెంకటేశ్వర్లు, యూనివర్సిటీ పరిశీలకులు వెంకటేశ్వర్లు బహుమతులు అందించారు. అనంతరం కళాశాల ప్రిన్సిపల్‌ వెంకటేశ్వర్లు మాట్లాడుతూ ప్రతి ఒక్కరూ క్రీడా స్ఫూర్తిని పెంపొందించుకోవాలన్నారు. విద్యార్థులు క్రీడలతో పాటు , చదువు లోనూ రాణించాలన్నారు. ఈ క్రీడల పోటీలను విజయ వంతం చేసిన ప్రతి ఒక్కరికీ ధన్యవాదాలు తెలిపారు. ఈ కార్యక్రమం లో కళాశాల వైస్‌ ప్రిన్సిపాల్‌ శ్రీనివాసులు, కళాశాల ఫిజికల్‌ డైరెక్టర్‌ నారాయణ రాజు, అధ్యాపక, అధ్యపకేతరులు, సిబ్బంది పాల్గొన్నారు.
తాజా వార్తలు
