ఎంఎల్‌ఎ మంతెన రామరాజు
ప్రజాశక్తి – పాలకోడేరు
రాష్ట్రం అభివృద్ధి చెందాలంటే చంద్రబాబు నాయుడుతోనే సాధ్యమవుతుందని ఎంఎల్‌ఎ మంతెన రామరాజు అన్నారు. శృంగవృక్షం గ్రామంలోని బంటుమిల్లిలో ఇంటింటికీ టిడిపి, భవిష్యత్‌ గ్యారెంటీ, బాబుతో మేము కార్యక్రమాన్ని టిడిపి, జనసేన నాయకులు గురువారం నిర్వహించారు. ఈ సందర్భంగా ఎంఎల్‌ఎ రామరాజు ఇంటింటికీ వెళ్లి టిడిపి ప్రవేశపెడుతున్న పథకాలతో పాటు జగన్‌ అవలంబిస్తున్న ప్రజా వ్యతిరేక విధానాలను ప్రజలకు వివరించారు. టిడిపి వస్తే రాష్ట్రంలో స్త్రీలకు అభివృద్ధితో పాటు తగిన గౌరవం కూడా దక్కుతుందన్నారు. ఈ కార్యక్రమంలో జనసేన నాయకుడు జుత్తుగ నాగరాజు, టిడిపి మండల అధ్యక్షుడు దెందుకూరి ఠాగూర్‌, కోటేశ్వరరాజు, కామన రాంబాబు పాల్గొన్నారు.
