ప్రజాశక్తి-భీమునిపట్నం: స్కూల్‌ గేమ్స్‌ ఫెడరేషన్‌ ఆధ్వర్యాన స్థానిక ఫుట్‌బాల్‌ గ్రౌండ్‌లో రెండు రోజులుగా జరుగుతున్న 67వ అంతర జిల్లాల ఫుట్‌బాల్‌ పోటీలు హోరాహోరీగా సాగుతున్నాయి. 14 ఏళ్లలోపు బాలురు, బాలికలకు ఈ పోటీలు జరుగుతుండగా, 13 జిల్లాల క్రీడాకారులు పాల్గొన్నారు. బాలికల విభాగంలో ప్రకాశం, ఈస్ట్‌ గోదావరి జిల్లాల జట్ల మధ్య జరిగిన పోటీలో ఈస్ట్‌ గోదావరి విజయం సాధించింది. కర్నూలుపై చిత్తూరు జట్టు, విజయనగరంపై ఎస్‌పిఎస్‌ఆర్‌ నెల్లూరు జిల్లా జట్టు, వెస్ట్‌ గోదావరిపై విశాఖ, ప్రకాశంపై చిత్తూరు, వెస్ట్‌ గోదావరిపై గుంటూరు జట్లు గెలుపొందాయి. బాలుర విభాగంలో నెల్లూరుపై కృష్ణా, శ్రీకాకుళంపై కర్నూలు, ప్రకాశంపై వైఎస్‌ఆర్‌ కడప, విజయనగరంపై నెల్లూరు, చిత్తూరుపై శ్రీకాకుళం జట్లు విజయం సాధించాయి. క్వార్టర్‌ ఫైనల్‌కు చేరిన జట్లు హోరాహోరీగా సాగిన ఈ పోటీల్లో కడప, విశాఖపట్నం, అనంతపురం, శ్రీకాకుళం జట్లు క్వార్టర్‌ ఫైనల్‌కు చేరుకున్నాయి.
తాజా వార్తలు
