ప్రజాశక్తి – గంపలగూడెం: జిల్లా స్థాయి సాఫ్ట్‌ బాల్‌ (ఫీల్డింగ్‌ అండ్‌ బ్యాటింగ్‌) పోటీల్లో ప్రతిభ చూపిన ఎన్‌టిఆర్‌ జిల్లా గంపలగూడెం గ్రామానికి చెందిన హారిక జాతీయ క్రీడలకు ఎంపికైంది. వచ్చే ఏడాది జనవరిలో ఛత్తీస్‌ఘడ్‌లో జరిగే జాతీయ క్రీడల్లో పాల్గననుంది. ఈ నెల 18, 19, 20 తేదీల్లో గుంటూరు జిల్లా పెదకాకాని మండలం వెనిగండ్ల జిల్లా పరిషత్‌ ఉన్నత పాఠశాలలో స్కూల్‌ గేమ్స్‌ ఫెడరేషన్‌ ఆధ్వర్యాన జరిగిన సాఫ్ట్‌బాల్‌ పోటీల్లో హారిక ప్రతిభ సాధించింది. దీంతో ఆమె విద్యనభ్యసిస్తున్న గంపలగూడెం మండలం సత్యాలపాడు జిల్లా పరిషత్‌ ఉన్నత పాఠశాల ప్రధానోపాధ్యాయులు శేషం రాజు, వ్యాయామ ఉపాధ్యాయులు గుర్రం గోపాలరావు, పాఠశాల సిబ్బంది తోటి విద్యార్థినీ విద్యార్థులు హారికను అభినందించారు.
తాజా వార్తలు
