విద్యార్థులను అభినందిస్తున్న పాఠశాల డైరెక్టర్‌ వేణు
ప్రజాశక్తి-అమలాపురం
ఎస్‌ఒఎఫ్‌ ఫౌండేషన్‌ వారి ఐఇఒ ఇంటర్నేషనల్‌ ఇంగ్లిష్‌ ఒలింపియాడ్‌ పరీక్షలలో సర్‌ సివి రామన్‌ విద్యార్థులు అంతర్జాతీయ స్థాయిలో అత్యద్భుతమైన ర్యాంకులు సాధించారనిస్కూల్‌ డైరెక్టర్‌ ఆర్‌ వేణుగోపాలరావు శుక్రవారం తెలిపారు. వీరంతా సెకండ్‌ లెవెల్‌ లో జరగబోయే పరీక్షకు అర్హత సాధించారన్నారు. విజేతలైన జి.సంజనా దేవి ఇంటర్నేషనల్‌ ర్యాంక్‌ 178, బి.వేదిక ఇంటర్నేషనల్‌ ర్యాంక్‌ 356, మోరం దివిజ ఇంటర్నేషనల్‌ ర్యాంక్‌ 486 సాధించారన్నారు. ఈ సందర్భంగా విజేతలను స్కూల్‌ డైరెక్టర్‌ ఆర్‌ వేణుగోపాలరావు ప్రిన్సిపల్‌ ఎన్‌.శ్రీనివాస్‌, వైస్‌ ప్రిన్సిపల్‌ కె. పెద్దిరాజు, సత్య కుమార్‌, ఉపాధ్యాయులు అభినందించారు.
