ప్రజాశక్తి – ఆచంట (పెనుమంట్ర)
కార్తీక సోమవారం పురస్కరించుకుని నత్తా రామేశ్వరంలో పార్వతి సమేత శ్రీరామలింగేశ్వరస్వామి, జుత్తిగ శ్రీ ఉమావాసుకి రవి సోమేశ్వరస్వామి వార్లను ఎంఎల్‌ఎ చెరుకువాడ శ్రీరంగనాథరాజు దర్శించుకున్నారు. ఈ సందర్భంగా ఆలయంలో ప్రత్యేక పూజలు నిర్వహించారు. వేదపండితులు ఆశ్వీరచనాలు పలికి స్వామి వారి తీర్థప్రసాదం అందించారు. యాత్రికులకు ఎటువంటి ఇబ్బందులు రాకుండా అన్ని ఏర్పాట్లు పూర్తి చేసినట్లు ఆలయ నిర్వహణ అధికారులు తెలిపారు. అనంతరం మార్టేరు ఎస్‌విజిహెచ్‌ హైస్కూల్‌ మైదానంలో బాస్కెట్‌ బాల్‌ అసోసియేషన్‌ ఆధ్వర్యంలో నిర్వహించిన కార్తీక వనసమారాధన కార్యక్రమానికి ముఖ్యఅతిథిగా హాజరయ్యారు. క్రీడా పోటీల్లో పాల్గొన్న విజేతలకు ఎంఎల్‌ఎ చెరుకువాడ శ్రీరంగనాథరాజు చేతుల మీదుగా బహుమతులు అందించారు. ఈ కార్యక్రమంలో మార్టేరు సర్పంచి మట్టాకుమారి, ఉప సర్పంచి కర్రి వేణుబాబు, బాస్కెట్‌ బాల్‌ అసోసియేషన్‌ ప్రెసిడెంట్‌ సత్తి సుబ్బన్న, కార్యదర్శి కర్రి కృష్ణారెడ్డి, వైసిపి మండల మహిళా అధ్యక్షురాలు కర్రి అనురాధ పాల్గొన్నారు.
తాజా వార్తలు
