ప్రజాశక్తి – కడియం
సమాజానికి సాహితీ వేత్తల కృషి ఎంతో అవసరమని జనసేన పార్టీ జిల్లా అధ్యక్షులు కందుల దుర్గేష్‌ అన్నారు. చెళ్లపిళ్ల వేంకట శాస్త్రి కళాసేవా సమితి అధ్యక్షులు అడపా సుబ్రహ్మణ్యం, ప్రధాన కార్యదర్శి చిలుకూరి శ్రీనివాసరావు ఆధ్వర్యంలో ఆదివారం కడియం పూలవనాల్లో కార్తీక వన సమారాధన సహపంక్తి భోజనాలు జరిగాయి. ఈ కార్యక్రమంలో పలువురు సాహితీవేత్తలు నాటక పద్యాలు, కవితలు, గీతాలు ఆలపించి తెలుగు చలోక్తులను విసిరారు. ఆద్యంతం సాహితీ రస రమ్యత్తుతో సాగిన ఈ కార్యక్రమంలో వివిధ పార్టీల నేతలు, ప్రజా ప్రతినిధులు, సాహితీవేత్తలు, కళాకారులు, అధికారులు, ఉపాధ్యాయులు పాల్గొన్నారు. ఈ కార్యక్రమంలో కందుల దుర్గేష్‌ మాట్లాడుతూ సమాజ చైతన్యానికి సాహిత్యం ఎంతో అవసరం అన్నారు. ఈ కార్యక్రమంలో డిసిసిబి ఛైర్మన్‌ ఆకుల వీర్రాజు, సెంట్రల్‌ జైలు డిప్యూటీ సూపరింటెండెంట్‌ డి.రాజకుమార్‌, ఎంపిపి వెలుగుబంటి వెంకట సత్య ప్రసాద్‌, సర్పంచ్‌ ఆన్నందేవుల చంటి, వైసిపి నాయకులు గిరజాల బాబు, ఈ కార్యక్రమంలో కడియపులంక సొసైటీ అధ్యక్షులు తిరుమల శెట్టి శ్రీనివాస్‌ , మాజీ సర్పంచ్‌ గట్టి నరసయ్య, నర్సరీ నాయకులు పుల్లా ఆంజనేయులు, తాడాల చక్రవర్తి, ఆదిమూలం సాయిబాబా, పాఠం శెట్టి రవి, పుల్లా పెద్ద సత్యనారాయణ, ఎంఇఒ వి. లజ పతి రారు, ఉపాధ్యాయ సంఘ నేతలు ఆకుల వీర్రాజు, జయరాజు, అన్యం దొరబాబు, జన విజ్ఞాన వేదిక అధ్యక్షులు గండి స్వామి ప్రసాదులు పాల్గొన్నారు.
