ప్రజాశక్తి-చీమకుర్తి చీమకుర్తి నగర పంచాయతీ నూతన ఛైర్‌పర్సన్‌గా పదవీ బాధ్యతలు స్వీకరించిన గోపురపు రాజ్యలక్ష్మి పూర్ణచంద్ర రావును అణగారిన కులాల ఐక్యవేదిక జెఏసి ఆధ్వర్యంలో అభినందన కార్యక్రమం నిర్వహించారు. శనివారం స్థానిక మున్సిపల్‌ కార్యాలయంలో ఏర్పాటు చేసిన కార్యక్రమంలో వివిధ ప్రజాసంఘాలు, ప్రజాప్రతినిధులు పాల్గొని మాట్లాడారు. బడుగు బలహీనవర్గాల ఆశాజ్యోతి మహాత్మా జ్యోతిరావుఫూలే, సావిత్రిబాయిఫూలే, రాజ్యాంగ నిర్మాత అంబేద్కర్‌ స్ఫూర్తితో అణగారిన కులాల అభివృద్ధి కోసం, పేద ప్రజల అభివృద్ధి కోసం కృషి చేయాలన్నారు. ఈ సందర్భంగా ఛైర్‌పర్సన్‌ గోపురపు రాజ్యలక్ష్మి పూర్ణచంద్రరావు దంపతులను ఘనంగా సత్కరించారు. కార్యక్రమంలో జడ్‌పిటిసి వేమా శ్రీనివాసరావు, బిసి సంక్షేమ సంఘం జిల్లా ఉపాధ్యక్షులు దోమల పుల్లయ్య, అణగారిన కులాల ఐక్యవేదిక జెఏసి వ్యవస్థాపక అధ్యక్షులు పేరం శ్రీనివాసరావు, కెవిపిఎస్‌ మండల కార్యదర్శి తొట్టెంపూడి రామారావు, కవి పిన్నిక శ్రీను, పద్మశాలీయ సంఘం నాయకులు సోమా యానాదిశెట్టి, కడవ రామకృష్ణ, జెఏసి నాయకులు కూడల మాలకొండయ్య, అరవ తిరుపతిరావు, గుండా చినవెంకటేశ్వర్లు, దోమల వెంకటేశ్వర్లు, డి నాగయ్య, పొదిలి బాలకాశయ్య, అత్యాల దావీదు పాల్గొన్నారు.
తాజా వార్తలు
