లాహోర్‌: పాకిస్తాన్‌ పురుషుల క్రికెట్‌ జట్టు చీఫ్‌ సెలెక్టర్‌గా వహాబ్‌ రియాజ్‌ ఎంపికయ్యాడు. ఈమేరకు పాకిస్తాన్‌ క్రికెట్‌బోర్డు(పిసిబి) శుక్రవారం ఓ ప్రకటనలో ఈ విషయాన్ని వెల్లడించింది. డిసెంబర్‌లో ఆస్ట్రేలియాతో జరిగే టెస్ట్‌, వన్డే, టి20 జట్లను పాకిస్తాన్‌ క్రికెట్‌జట్టు ఎంపిక రియాజ్‌ నేతృత్వంలోనే జరగనుంది. ‘జాతీయ పురుషుల జట్టు సెలెక్టర్‌గా ఎంపికవ్వడం గౌరవంగా భావిస్తానని, ఆ బాధ్యతలను సమర్ధవంతం నిర్వహించగలనని పిసిబి మేనేజ్‌మెంట్‌ కమిటీ భావించడం పట్ల గర్వంగా ఉందని, ఈ మేరకు పిసిబి కమిటీ ఛైర్మన్‌ జాకా అష్రఫ్‌కు కృతజ్ఞతలు తెలియజేస్తున్నాను’ అని 38ఏళ్ల వహాబ్‌ రియాజ్‌ పేర్కొన్నాడు. ఎడమచేతి వాటం పేసర్‌ అయిన రియాజ్‌ పాకిస్తాన్‌ తరఫున 27టెస్టులు, 91వన్డేలు, 36టి20లు ఆడాడు. మూడు ఫార్మాట్‌లలో కలిపి 237 వికెట్ల తీశాడు.
తాజా వార్తలు
