మెరకముడిదాం: సమాజంలో అందరితో మంచిగా ఉంటూ, మంచిగా ఆలోచిస్తూ, మంచిని పెంచాలని హైకోర్టు జడ్జి చీమలపాటి రవికుమార్‌ ఆకాంక్షించారు. తన తండ్రి చీమలపాటి సూర్యనారాయణతో కలిసి స్వగ్రామమైన బైరిపురానికి శుక్రవారం ఆయన విచ్చేశారు. ఈ సందర్భంగా గ్రామస్తులు, నాయకులు ఆయనకు ఘనస్వాగతం పలికారు. అనంతరం అయన స్థానిక విలేకర్లతో మాట్లాడుతూ జన్మనిచ్చిన తల్లిదండ్రులను, పుట్టిన ఊరిని ఎన్నటికీ మరువ కూడదన్నారు. సన్మార్గంలో నడిస్తే ఎప్పుడూ న్యాయం జరుగుతుందన్నారు. తాను ఇప్పుడు ఈ స్థాయిలో ఉన్నానంటే, అది తన తల్లిదండ్రులు చూపిన మార్గమేనని తెలిపారు. క్రమశిక్షణతో నడిపించబట్టే తనకు ఈ గౌరవం దక్కిందన్నారు. అయినా ఎదిగే కొద్ది ఒదిగి ఉండాలనేదే తన సిద్ధాంతమని తెలియజేశారు. కార్యక్రమంలో నాయకులు పప్పల క్రిష్ణమూర్తి, కందుల శ్రీనివాసరావు, ఎస్‌.రాంబాబు, శ్రీధర్‌, కందుల రామ, బాదం వెంకటరాజు, ఎస్‌.నర్సింగరావు, ఎస్‌.వెంకట సత్యనారాయణ, ఎస్‌ఐ నవీన్‌ పడాల్‌ పాల్గొన్నారు.
తాజా వార్తలు
