నేపాలి భక్తుల గీతాలాపన
పుట్టపర్తి క్రైమ్‌ : నేపాల్‌ దేశానికి చెందిన 5000 మంది సత్యసాయి భక్తులు శుక్రవారం సత్యసాయి బాబా మహాసమాధిని దర్శించుకున్నారు. పర్తియాత్ర లో భాగంగా తరలి వచ్చిన భక్తులు సాయి కుల్వంత్‌ సభా మందిరంలో మహా సమాధి వద్ద జ్యోతి వెలిగించి సత్యసాయి మహాసమాధికి ప్రత్యేక పూజలు నిర్వహించారు. ఈ సందర్భంగా నేపాల్‌ లో చేపట్టిన సత్యసాయి ఉద్యమం యొక్క గోల్డెన్‌ జూబ్లీ వేడుకలు ఘనంగా జరుపుకున్నారు. ఈ సందర్భంగా వారు అలపించిన గీతాలు అలరించాయి. అనంతరం విద్యార్థులు నేపాలీ సాంప్రదాయ నృత్యాలతో సందడి చేశారు. వేలాదిగా తరలివచ్చిన నేపాలి భక్తులతో ప్రశాంతి నిలయం పోటెత్తింది.
