ఆందోళన చేస్తున్న రైతులు
గోరంట్ల : మండలంలోని బూదిలి తండా సమీపాన పోతులప్ప పల్లి పెద్దిరెడ్డిపల్లి గ్రామాలకు వెళ్లే దారిని మూసివేయడంతో గ్రామస్తులు ఇబ్బంది పడుతున్నారని వెంటనే ఈసమస్యను పరిష్కరించాలని బూదిలి రైతులు కోరారు. ఈ మేరకు వారు సోమవారం స్థానిక తహశీల్దార్‌ కార్యాలయం ముందు ధర్నా నిర్వహించారు. ఈసందర్భంగా వారు మాట్లాడుతూ తండా సమీపాన సమీప పొలాల రైతు భాషాసాబ్‌ కుమారులు దారిని మూసివేయడంతో ఇబ్బందులు ఎదురవుతున్నాయన్నారు. ఎన్నో ఏళ్ల నుండి ఉన్న దారిని మూసివేయడంతో రైతులు తీవ్ర ఇబ్బందులు పడుతున్నామని వాపోయారు. దారి సమస్య పరిష్కరించాలని కోరారు. అనంతరం తమ డిమాండ్లతో కూడిన వినతిపత్రాన్ని తహశీల్దార్‌ రంగనాయకులకు అందజేశారు.
