ప్రజాశక్తి-కలకడ : విద్యార్థులకు వ్యాసరచన పోటీ నిర్వహించినట్లు కలకడ శాఖ గ్రంధాల అధికారి అమర్నాథ తెలిపారు. మండల కేంద్రమైన కలకడ బృందావనం నందు 56వ గ్రంథం వారోత్సవాల్లో భాగంగా శనివారం వ్యాసరచన, క్విజ్, చిత్రలేఖనం, వంటి పోటీలను నిర్వహించినట్లు తెలిపారు. స్థానిక బాటవారి పల్లి జిల్లా పరిషత్ ఉన్నత పాఠశాల (తెలుగు)నందు విద్యార్థులకు ఈ పోటీలు నిర్వహించినట్లు తెలిపారు. పోటీలలో గెలుపొందిన విద్యార్థులకు ఈనెల 20వ తేదీన గ్రంథాలయ వారోత్సవాలు ముగింపు కార్యక్రమంలో బహుమతులను అందజేయడం జరుగుతుందని తెలిపారు. ఈ కార్యక్రమంలో ప్రధానోపాధ్యాయురాలు సరస్వతి, ఉపాధ్యాయులు, విద్యార్థులు, తదితరులు పాల్గొన్నారు.
తాజా వార్తలు
