ప్రజాశక్తి-విజయనగరం టౌన్‌ : డిసెంబర్‌ 1 నుంచి 3వ తేదీ వరకు డెహ్రాడూన్‌ లో సబ్‌ జూనియర్‌ , క్యాడిట్‌ జాతీయస్థాయి తైక్వాండో పోటీలకు విజయనగరం జిల్లా నుండి 12 మంది క్రీడాకారులు ఎంపిక య్యారు. ఈనెల 18, 19 తేదీల్లో జరిగిన రాష్ట్రస్థాయి తైక్వాండో పోటీలలో గోల్డ్‌ మెడల్‌ సాధించి జాతీయ పోటీలకు అర్హత సాధించారు. జిల్లాకు చెందిన పునీత్‌ , కుశాల్‌ ,సాహిత్య సంకీర్తన ,సాత్విక్‌, ముఖేష్‌ నిత్యశ్రీ, చరిష్మా , శృతి, దేవన్‌, హర్షిని, కమల్‌ జాతీయ పోటీలకు ఎంపికయ్యారు. వీరికి జిల్లా తైక్వాండో అధ్యక్ష ,కార్యదర్శులు గురాన అయ్యలు, సిహెచ్‌ వేణుగోపాలరావు, కోచ్‌ లు గగన్‌, యశస్విని, చైతన్య, గౌతమ్‌ అభినందనలు తెలిపారు.
తాజా వార్తలు
