ప్రజాశక్తి – వంగర : వీధి కుక్కల దాడిలో 20 మేకలు మృతి చెందిన ఘటన మండలంలోని మడ్డువలసలో మంగళవారం అర్ధరాత్రి చోటు చేసుకుంది. బాధితుడు గంటమాని సన్యాసి తెలిపిన వివరాల ప్రకారం.. తన ఇంటి పక్కనే ఉన్న శాలలో మేకలన్నింటినీ పెట్టి తాను ఇంటిలో నిద్రిస్తుండగా అర్ధరాత్రి వేళ కుక్కల గుంపు ముకొమ్మడిగా వచ్చి తన మేకలపై దాడి చేయడంతో 20 మేకలు మృతి చెందాయని ఆవేదన వ్యక్తం చేశారు. అప్పటికే మెలకువ వచ్చి కర్ర పట్టుకుని కుక్కలను తరిమి కొట్టకపోతే మిగతా మేకలపై కూడా దాడి చేసి చంపేసేవేనని బోరున విలపించారు. కుక్కలు మేకలపై దాడి చేయడం మేకలు మృతి చెందడంతో తనకు చాలా నష్టం జరిగిందని, పశు వైద్య సిబ్బందికి తెలియచేసి ప్రభుత్వం ఆదుకోవాలని కోరారు.
తాజా వార్తలు
