ముంబయి: పాకిస్తాన్‌తో ఫిబ్రవరిలో జరిగే డేవిడ్‌ కప్‌ ప్రపంచకప్‌ గ్రూప్‌-1 ప్లాేఆఫ్‌లో తలపడేందుకు సుమిత్‌ నాగల్‌, శశి ముకుంద్‌ వెళ్లనున్నారు. ఆలిండియా టెన్నిస్‌ సమాఖ్య(ఎఐఐటి) శుక్రవారం ఓ ప్రకటనలో ఈ విషయాన్ని వెల్లడించింది. పురుషుల సింగిల్స్‌లో భారత్‌ నుంచి అత్యుత్తమ ర్యాంక్‌ ఆటగాళ్లైన సుమిత్‌ నాగల్‌(141వ ర్యాంక్‌), శశి ముకుంద్‌(477వ ర్యాంక్‌)లలో బరిలోకి దిగనున్నట్లు ఎఐఐటి ఆ ప్రకటనలో పేర్కొంది. తొలి లీగ్‌లో నెగ్గిన భారత్‌ డేవిస్‌ కప్‌ ప్రపంచ గ్రూప్‌-1 ప్లాేఆఫ్‌లో ఆడేందుకు పాకిస్తాన్‌కు పయనం కానుంది. రోహన్‌ బప్పన్న అంతర్జాతీయ టెన్నిస్‌కు గుడ్‌బై చెప్పడంతో రామ్‌కుమార్‌ రామనాథన్‌ డబుల్స్‌లో మరో ప్లేయర్‌తో కలిసి బరిలో దిగే ఛాన్స్‌ ఉంది. ఇక పాకిస్తాన్‌ నుంచి సింగిల్స్‌లో అఖీల్‌ ఖాన్‌, ఖురేషీ ఆడనున్నట్లు సమాచారం.
తాజా వార్తలు
