‘నాడు-నేడు’ పనులపై సమీక్ష
ప్రజాశక్తి- టెక్కలి రూరల్‌
అంగన్వాడీ కేంద్రాల్లో నాడు-నేడు పనుల్లో భాగంగా మరమ్మతు పనులు వేగవంతం చేయాలని ఐసిడిఎస్‌ పీడీ బి.శాంతిశ్రీ సూచించారు. మండలంలోని కె.కొత్తూరు దరి ఆదిత్య ఇంజినీరింగ్‌ కళాశాలలో ఐసిడిఎస్‌ డివిజన్‌ స్థాయి సమావేశం బుధవారం నిర్వహించారు. డివిజన్‌లోని టెక్కలి, కోటబొమ్మాళి, కొత్తూరు, పాతపట్నం ఐసిడిఎస్‌ ప్రాజెక్టుల పరిధిలోని సిడిపిఒలు, సూపర్‌వైజర్లు, అంగన్వాడీ సిబ్బంది, పిఆర్‌ఎఇలతో సమీక్షించారు. అనంతరం సిబ్బందికి పలు సూచనలు చేశారు. అంగన్వాడీ కేంద్రాల తనిఖీనౌపడ: సంతబొమ్మాళి మండలం నౌపడ సెక్టార్‌లోని నౌపడ 1, 2 అంగన్వాడీ కేంద్రాలను ఐసిడిఎస్‌ పీడీ బి.శాంతిశ్రీ బుధవారం తనిఖీ చేశారు. ఈ సందర్భంగా విద్యార్థులకు పెడుతున్న మెనూ, హాజరు పౌష్టికాహారం అందజేత రికార్డులను పరిశీలించారు. ఆమె మాట్లాడుతూ బరువు తక్కువ కలిగిన విద్యార్థులపై ప్రత్యేక శ్రద్ధ వహించాలని అంగన్వాడీలకు సూచించారు. పౌష్టికాహారం సక్రమంగా అందజేస్తున్నారని ఆదేశించారు. అనంతరం అంగన్వాడీల పనితీరుపై సంతృప్తి వ్యక్తం చేశారు. ఆమె వెంట సూపర్‌వైజర్‌ ఉన్నారు.
టెక్కలి రూరల్‌ : సమీక్షిస్తున్న పీడీ శాంతిశ్రీ
