ప్రజాశక్తి – రేపల్లె
పట్టణంలోని స్థానిక రామకృష్ణ ఇంగ్లీష్ మీడియం హై స్కూల్ నందు గ్రాండ్ పేరెంట్స్ డే కరస్పాండెంట్ కుర్ర అవర్ణ ఘనంగా నిర్వహించారు. విద్యార్థుల అమ్మమ్మ, నాయనమ్మ, తాతయ్యలతో పాఠశాల ప్రాంగణం గురువారం కళకళలాడింది. దీనితో పాటుగా చిన్నారుల సాంస్కృతిక కార్యక్రమాలు ఆకట్టుకున్నాయి. పాఠశాలకు విచ్చేసిన విద్యార్థుల గ్రాండ్ పేరెంట్స్ కి ఆటలు, వినోద భరితమైన కార్యక్రమాలు నిర్వహించారు. గెలుపొందిన వారికి బహుమతులను ఇచ్చారు. ఈ సంద్భంగా కరస్పాండెంట్ కుర్ర అవర్ణ మాట్లాడుతు నేటి తరంలో కనుమరుగవుతున్న బంధాలను దృఢ పర్చుకునేలా తమ పాఠశాల విద్యార్థులకు, విద్యాబుద్ధులు నేర్పించడమే తమ లక్ష్యమని అన్నారు. పెద్దలపట్ల గౌరవం, అనురాగం కలిగి ఉండటం, ఎదుటివారికి సహాయపడటం, దేశభక్తి, విజ్ఞానం పట్ల ఆసక్తి వంటి ఎన్నో విషయాలను నేర్పుతున్నట్లు తెలిపారు. ముందు తరాలు, వాటి మూల కారకులైన అమ్మమ్మ, నాయనమ్మ, తాతయ్యలతో ఎలా మెలగాలో విద్యార్థులకు గుర్తు చేసినట్లు తెలిపారు. పిల్లలు తమ జీవితాల్లో ప్రేమగల తాతలను కలిగి ఉంటే, ఈ తరాల మధ్య సంబంధాలు ఎంత ప్రత్యేకమైనవి, ముఖ్యమైనవిగా ఉంటాయో తెలుస్తుందని అన్నారు. తాతా, మామల దినోత్సవం తమ పాఠశాలలో జరుపుకోవడం ఆనందంగా ఉందని అన్నారు. కార్యక్రమంలో ప్రెసిడెంట్ డాక్టర్ మహేష్ పాల్గొన్నారు.
తాజా వార్తలు
