సైహెట్‌(ఢాకా): న్యూజిలాండ్‌తో జరుగుతున్న తొలి టెస్ట్‌లో బంగ్లాదేశ్‌ బౌలర్లు రాణించారు. ఎడమచేతివాటం స్పిన్నర్‌ తైజుల్‌ ఇస్లామ్‌(4/89) బౌలింగ్‌లో రాణించడంతో న్యూజిలాండ్‌ జట్టు రెండోరోజు ఆట ముగిసే సమయానికి 8వికెట్ల నష్టానికి 266పరుగులు చేసింది. కేన్‌ విలియ్సన్‌(104) సెంచరీ కదం తొక్కగా.. మిఛెల్‌(41), ఫిలిప్స్‌(42) బ్యాటింగ్‌లో రాణించారు. ఆట ముగిసే సమయానికి జేమిసన్‌(7), కెప్టెన్‌ టిమ్‌ సోథీ(1) క్రీజ్‌లో ఉన్నారు. అంతకుముందు బంగ్లాదేశ్‌ జట్టు తొలి ఇన్నింగ్స్‌లో 310 పరుగులు చేయడంతో న్యూజిలాండ్‌ జట్టు ఇంకా 44పరుగులు వెనుకబడి ఉంది.
తాజా వార్తలు
