విజేతలకు బహుమతులను అందజేస్తున్న అధికారులు, తదితరులు
ధర్మవరం టౌన్‌ : కార్గో డోర్‌ డెలివరీ ప్రచార మాసోత్సవాలలో భాగంగా ధర్మవరం డిపో పరిధిలోనికస్టమర్లకు ఆర్టీసీ ఆర్‌ఎం మధుసూదన్‌ సోమవారం బహుమతులు ప్రదానం చేశారు. అక్టోబరు 26 నుంచి ఈనెల 15వతేదీ వరకు డోర్‌ డెలివరీ పార్సెల్‌ బుక్‌ చేసిన కస్టమర్లకు ప్రముఖ వ్యాపార వేత్తలు మాంగల్య సిల్క్‌ అధినేత జింకానాగభూషణ, జింకాగిరి, జింకా పురుషోత్తం ఆధ్వర్యంలో ఆర్టీసీ కార్గో ఎటిఎం మోతీలాల్‌నాయక్‌ సమక్షంలో లక్కీడ్రా తీసి నలుగురిని ఎంపికచేశారు. వీరికి మాంగల్యసిల్క్స్‌ యజమానులతో బహుమతులు ప్రదానం చేయించారు. ఈ కార్యక్రమంలో ట్రాఫిక్‌ ఇన్‌ఛార్జి వెంకటేశ్వర్లు, ఆపీసు సూపరింటెండెంట్‌ ప్రేమ్‌కుమార్‌, సెక్యూరిటీ హెడ్‌ గార్డ్‌ రామాంజినేయులు, ఎంప్లాయిస్‌ యూనియన్‌ జిల్లా అధ్యక్షులు నాగార్జునరెడ్డి, డిపో కార్యదర్శి ముస్తాఫా తదితరులు పాల్గొన్నారు.
