ప్రజాశక్తి – శ్రీకాకుళం అర్బన్‌
నగరంలోని ప్రభుత్వ పురుషుల డిగ్రీ కళాశాలలో ఈనెల 29న జాబ్‌మేళా నిర్వహిస్తున్నట్లు కళాశాల ప్రిన్సిపాల్‌ డాక్టర్‌ పి.సురేఖ ఒక ప్రకటనలో తెలిపారు. టిసిఎస్‌ కంపెనీలో బిపిఒ (ఆన్‌లైన్‌ ట్రైనింగ్‌), డెక్కన్‌ కెమికల్స్‌ కంపెనీలో ట్రైనీ (ప్రొడక్షన్‌), కోజెంట్‌ ఈ సర్వీసెస్‌ కంపెనీలో బిపిఒ నిట్‌ ఐసిఐసిఐ బ్యాంకు రిలేషన్‌షిప్‌ మేనేజర్‌, ఇసుజు మోటార్స్‌, సియాన్‌ ఇహెచ్‌ఐడబ్ల్యుఎ సుమిత్‌, శ్రీకాళహస్తి పైవ్స్‌ కంపెనీల్లో టెక్నీషియన్‌ ఉద్యోగాలకు ఇంటర్వ్యూలు నిర్వహిస్తారని తెలిపారు. ఎస్‌ఎస్‌సి, ఇంటర్‌, ఐటిఐ, డిప్లమో, డిగ్రీ, బిటెక్‌ ఉత్తీర్ణులైన 35 ఏళ్ల లోపు అభ్యర్థులు అర్హులని స్పష్టం చేశారు. వీరికి నెలకు రూ.12 వేల నుంచి రూ.25 వేల వరకు జీతం, ఇన్సెంటివ్‌, భోజనం, వసతి, రవాణా సౌకర్యం ఆయా ఉద్యోగాలను బట్టి ఉంటుందని తెలిపారు. ఆసక్తి గల అభ్యర్థులు ధ్రువపత్రాలతో హాజరు కావాలని పేర్కొన్నారు. పూర్తి వివరాలకు జెకెసి కోఆర్డినేటర్‌ వై.మణికుమార్‌ 9949094968, 8074554118 ఫోన్‌ నంబర్లను సంప్రదించాలని సూచించారు.
