ప్రజాశక్తి -ఆనందపురం : ఆనందపురం మండలం గొట్టిపల్లి పంచాయతీ యాతపేటలో సిసి రోడ్లు, కాలువల నిర్మాణాలకు సర్పంచ్‌ గంటా జగదీశ్వరావు, భీమిలి యూత్‌ ప్రెసిడెంట్‌ వెంకట జగన్‌ ఆదివారం శంకుస్థాపన చేశారు. ఈ సందర్భంగా వారు మాట్లాడుతూ, గడపగడపకు మన ప్రభుత్వం కార్యక్రమంలో ప్రజలు ఎమ్మెల్యే ముత్తంశెట్టి శ్రీనివాసరావు దృష్టికి తీసుకొచ్చిన సమస్యలను పరిష్కరిస్తున్నట్లు తెలిపారు. ఎమ్మెల్యే చొరవతో రూ.20 లక్షలు మంజూరు కావడంతో పనులు ప్రారంభిస్తున్నట్లు చెప్పారు. ఈ కార్యక్రమంలో బుత్తల రాజేష్‌, నాగరాజు, రమణ తదితరులు పాల్గొన్నారు.
