ఇంటిలిజెన్స్‌ డీఎస్పీ హఠాన్మరణంనడకదారిలో ఘటనప్రజాశక్తి- తిరుమల: తిరుమలలో ఇంటెలిజెన్స్‌ డిఎస్పీ కపాకర్‌ హఠాన్మరణం చెందారు. మెట్ల దారిలో వెళుతుండగా గుండెపోటుకు గురై కుప్ప కూలారు. ఆసుపత్రికి తరలించే ప్రయత్నం చేస్తుండగానే కన్నుమూశారు. 26,27 తేదీల్లో ప్రధాని నరేంద్ర మోడీ తిరుమల పర్యటన నేపథ్యంలో భద్రతా ఏర్పాట్లు పర్యవేక్షించేందుకు శనివారం కపాకర్‌ తిరుమల చేరుకున్నారు. మెట్లదారిలో సెక్యూరిటీ ఏర్పాట్లు పర్యవేక్షించడంతో పాటు శ్రీవారిని దర్శించుకోవాలని భావించారు. మెట్ల దారి గుండా పైకి వెళుతుండగా 1,805 మెట్టు దగ్గర అస్వస్థతకు గురయ్యారు. గుండెలో నొప్పితో కుప్పకూలారు. డీఎస్పీ కపాకర్‌ వయస్సు 59 సంవత్సరాలు.. ఆయన స్వస్థలం ఆంధ్రప్రదేశ్‌లోని విజయవాడ దగ్గర్లోని పోరంకి రూరల్‌ కపాకర్‌ మరణవార్తను ఆయన కుటుంబ సభ్యులకు తెలియజేశారు.
తాజా వార్తలు
