ప్రతిభ కనబర్చిన విద్యార్థులతో కరాటే మాస్టర్‌ ఫైరోజ్‌, తదితరులు
హిందూపురం :3వ ఓపెన్‌ నేషనల్‌ లెవల్‌ ఇన్విటేషనల్‌ కరాటే ఛాంపియన్‌షిప్‌ పోటీలలో హిందూపురం విద్యార్థులు ప్రతిభ కనబర్చినట్లు కరాటే మాస్టర్‌ ఫైరోజ్‌ తెలిపారు. ఈ మేరకు ఆయన ప్రతిభ కనబర్చిన విద్యార్థులను సోమవారం అభినందించారు. ఈ సందర్బంగా ఫైరోజ్‌ మాట్లాడుతు కర్నాటక రాష్ట్రం చిక్కబళాపుర సమీపంలోని పాటీల్‌ పార్క్‌ కన్వెంక్షన్‌ హాల్‌లో ఆదివారం ఎఎస్‌ గోజుర్యు కరాటే అసోసియేషన్‌ ఆఫ్‌ ఇండియా ఆధ్వర్యంలో జరిగిన పోటీల్లో హిందూపురం నుంచి వివిధ పాఠశాలలకు చెందిన కరాటే విద్యార్థులు పాల్గొన్నారన్నారు. ఇందులో 9 మంది బంగారు పతకాలు, 8 మంది విద్యార్థులు వెండి పతకాలు సాధించగా, ఏడుగురు కాంస్య పతకాలు సాధించారన్నారు.
